أقوى أشعار عن النفس شعبية

مختلف الأشعار والقصائد الشعبية الخليجية والعراقية واليمنية نضع باقات من أقوى أشعار عن النفس شعبية وكذلك عزة النفس وعن الحزن ومشاعر الضيق التي قد تمر بك في بعض الأحيان التي قد تأتيك من الصديق أو الحبيب أو غيرهم من من هم حولك، شارك اليوم أقوى أشعار عن النفس شعبية على تويتر أو على فيس بوك وكل مكان تريد.

أشعار عن عزة النفس

• النفس طابت والترجي  مذلة
  الله معك يا اللي حسبناك غالي
  حبل الوصل مفكوك تقدر تحله
  نفسي عزيزة دام تقطع وصالي.
• عزيت نفسي عن بشر ظنهم شين
  مھٓمآ رفعت بقدرهم قل أدبهم!
  حاولت أكسبهم على العسر و اللين
  و أقفيت عنهم ،، يوم ربي كشفهم.
• أحب نفسي .. بس ماني أناني
  لو صاحبي يطلب عيوني عطيته
  كم .. واحد لا من بغاني لقاني
  لكن.. انا  لا احتجت له مالقيته.
• رافع نفسي عن أطراف الحديث الخالي
  كيف أنزل مستواي ، و هامتي مرفوعه
  والله إن طيبي ما هو بالمرتبط ب أحوالي
  و ضحكتي بوجيه ربعي ماهي ب مصنوعه
  نضحك أحجاج الرفيق و يستغيض التالي
  ولا درينا عن هوى داره ولا موضوعه.
• أسهر طوال الليل مع ضيقة البال
  أشكي على نفسي ونفسي كتومه.
• كثر ما عندي مزاجية وعندي ميول
  يوم أكذب نفسي أقدر على تصديقها
  كل يوم يمر في داخلي أربع فصول
  و الحياة تطيقني بس أنا ما أطيقها
  تكبر أحلامي و أضحك و أنا أردد و أقول
  خالق الأحلام .. قادر على تحقيقها.
• انا نفسي عزيزة ماتود إللي وداده ضاع
  ولا تهوى عشير كل يوم مبدل أطباعه.
• رميت الاحلام في وجه الزمان البخيل
  وعزيت نفسي وعز النفس عصيانها
  وعن الحضور المهمش مرحبا يالرحيل
  ما دمت تحفظ كرامه نفسي وشانها.
• حشمت وجهي عن ظنون المواجيب
  الطيب  وهبه و التردي  غريزه
  نفسي  عزيزه  بس  الأيام  ماهيب
  تقدر  نفوس الرجال العزيزه.
• بين عزة نفسي .. ولهفة وصالك
  صرت كائن شبه حي وشبه ميت.
• الظاهر اني وصلت لمرحله في العمر
  تعف  نفسي .. وتزهد  في .. ملذاتها.
• انا كامل ولا احتاج الى حاجة تكملني
  انا روحي تكفيني عن الدنيا واكفيها
  ولا احتاج الى رفقة تعذبني واعذبها
  ولا خيبة من أحباب على نفسي ابديها.
• انآ عرفت   الناس   ما أجهل   الناس
  حتى غدت  نفسي  من  الناس  حذره
  ما هوب لزوم اللي زرع يحصد إحساس
  أحيان  ( تزرع ) ،،لكن  الأرض  قذره.

أشعار عن النفس حزينة

• والله اني ضايق من خلاي وفي خلاي
  خاطري ما هو بوده ونفسي ودها
  عاصي نفسي عشان ما أرخي مستواي
  لو بطيع النفس بعدين كيف أردها.
• حاولت اسايس شعوري لين قلبي ذبل
  استبردت نفسي من اللفحه الدافيه
  الين صرت اشوف ان كل عاشق خبل
  يعيش في مرحلة مردها هافيه.
• حاولت اسوي نفسي انسان عادي
  ماهزني فرقا ،،، ولا ضامني شوق
  بس اكتشفت اني مع الوقت غادي
  قلبي من الحرمان والبعد محروق.
• والله اني رحت صامل و انا ودي عليك
  رحت مقفي عنك و امال نفسي مقبله
  كل يوم من ضنوني في ابيعك واشتريك
  إن قربتك مشكله و ان تركتك مشكله.
• من دافع الاهمال والا مراعاه
  بديت احس ان الامل بالقطاعه
  وعشان اعيش اللي بقالي بلياه
  حطيت في نفسي بهجره قناعه
  على الاقل اقنع ف بعده وفرقاه
  ولا اتشفق للوصل …كل ساعة.
• لي صاحب لرضاه نفسي مريضه
  انا (محاميه / وخصمه / وقاضيه)
  اغايضه بالحاجه اللي تغيضه
  لجل انثني له لا تضايق واراضيه.·
• خليت الأحلام بأقصى القلب منثبره
  ياكثر كذبي على نفسي وأنا .. داري.
• والله إني ضايق في خلاي و من خلاي
  خاطري ماهو بوده ونفسي ودها
  وعاصي نفسي علشان ما أرخي مستواي
  لو بطيع النفس بعدين كيف أردها ؟
  يافهد صرت أشرب الماء ولايقطع ضماي
  لاتعاتبني ترى النفس وصلت حدها.
• ضايعه كل الأماكن والصور من عمري
  الكبر بين على نفسي .. و أنا أدورها
  جيت أصور ذكرياتي وأتجنب عذري
  ما تصورت الأماكن تجرح مصورها.
• كل ما جيت اعتني في نفسي الموجوعه
  سببت في صدري الاحزان صوت و زحمه
  جعل ما جاني على دنيا الشقا من لوعه
  تحتسب في الاخره تخفيف ذنب و رحمه.
• يا حظ من حط ذكر الله لجوفه رفيق
  زهدا بالابواب .. فاتحها ومقفولها
  يارب لا تختبر نفسي بما لا تطيق
  ورضاك يا رب غايتها و مدلولها .
  الحمد لك والثناء اللي في جلالك يليق
  ويالله عفوك ومغفرتك .. و ما حولها.
• بين هم وطول ليل وبين صبر ودمع عين
  انسج خيوط الفراق المر نفسي طايبه
  اجمع شتات الزمان اللي طواني مرتين
  واستفز الذكريات من السنين السايبه.
• عن المجامل وكسب الناس ورضاها ،
  رضا ضميري على نفسي .. مكفيني !.
• ياباعث الخلق يامحيي رميم العظام
  نفسي على باب جودك ترفع كفوفها.
• عودت نفسي ما اتعود على انسان
  اللي وصل من مر الايام كافي
  خيبات وجروح ومواجع وخذلان
  ما فيه احد يبقى على طول وافي.
• تخوفني طارقات الهموم ؟
  تراني أخاف وأنت لها !
  إلهى .. أردد إسمك ساه
  بنطق الحروف عن المشتهى
  إذا قلت ” الله ” أحسست روحي
  ترف على سدرة المنتهى
  وأنسى حوائج نفسي وأدري
  بأنك يا رب أدرى بها.
• خاطري تالي الايام . . ما هو تمام
  وأشعر إني أناقض نفسي فكل يوم
  ودي احيانا ابكي لييين اخلص و انام
  وودي احيانا اضحك لين أخلص وأقوم.
• يارب وصيتك بنفسي على طول
  وآنا عدو نفسي إذا أنكرت شكرك
  آن شفتني في لذة العمر مشغول
  يا رب ( لا تشغلني ) إلا بذكرك.
• ماعاد أبي من تراب الارض كسرة حصاه
  طاحت من عيوني الدنيا ولا .. شلتها
  منها يكفيني الماء والهواء والصلاه
  وكفوف اشوف نفسي كل ما طلتها.
• امسح دموعي واكابر واقول اني تمام
  ولا انا ! ي صبر نفسي على م جاها.
• اخفي هموم القلب في دآخلي واجحد
  وصبري على نفسي ولو طالت المدة.
• اقدر افارق  و اقدر اتخلا
  اقدر اسامح وانسف الماضي
  و أغفر ل نفسي كل شي إلا
  احساس ضيعته على الفاضي.
• كنت احاول ابتسم رغم الظروف
  و مرت ايامي و دمعي ما سقط ؟
  ما بكيت ، الا على بعض الحروف
  وما ضحكت الا على نفسي فقط.
• تراودني الضيقه . . لها حروة اسبوعين
  وتأثيرها واضح علي .. وعلى اخلاقي
  احس ب تعب وارهاق نفسي وخاطر شين
  وسجه ونوم امحق ومدري وش .. الباقي.
• أول أنا هنت لك نفسى وقدرتك
  فكرت أنك تراعيني مثل ما أرعاك
  لكن اشوفك طغيت وغرتك نفسك
  طاوعت منهو بتزييف الكلام أغراك.
• بعض الجفاء خيره ولو مامعه خير
  والشوق له تأثير .. لكن : ( نفسي )
  صحيح إني اطوف ولا اعاتبك مير ؟
  ماني ب مرخص في مواصلك نفسي.
• انت ذنب من ذنوب الفقير اللي عليه
  سولت بك نفسه وجاء يتوب و ما قوى
  استغفر الله من اللي مضى و أتوب إليه
  الحديث يقول كل امرئ له ما نوى
  نفسي من التوبة تحدني وتقول ليه
  الهوى يومي بها كل ما هب الهوى.
• أقسى المحطات ما بين الفشل والنجاح
  كم ضاع فيها شجاع ورد عن موقفه
  يا جعلني في عيون الناس قصة كفاح
  لو كنت في عين نفسي حادثه مؤسفه.

أشعار عن النفس والحب

• أحفظ وقاري عن لسان يعذربني
  و أعز نفسي عن المقفي ولو أحبه.
• انام لا والله عيوني عقيمة
  احب اي والله لي اعوام واعوام
  اخاف من نفسي ونقص العزيمة
  لا كان بيديني التقدم والاقدام
  احن للماضي ولنفسي القديمة
  اللي اذا ضاقت على العالم تنام.
• كابر على كيفك مدام انك تشوف الكبر زين
  مالوم نفسي يوم. في طبعك تغير رايها
  هذا انت ماتعرف شعور الحب وشعور الحنين
  حاول تنقع كلمة احبك. وتشرب مايها.
• انا معك من بديت الحب صادق شعور
  بس انت ماكنت صادق بالمحبه معاي
  خذاك مني عنادك والكبر ، والغرور
  وانا خذتني كرامة نفسي ، وكبرياي.
• م غبت عنك ! إلا و أنا قاصد انساك :
  م سبت يدك .. إلا و أنا مكتفي بي !
  لا طامع ل شوفك و لا لي ب لقياك :
  حبيت نفسي ، صرت بعدك ( حبيبي ).
• مجنونة نفسي وانا منه مجنون
  والكل منا يشتكي من جنونه
  الظاهر انه عادة اللي يحبون
  كلن يشافي في خويه عيونه.
• لا تنشد الشوق  عني  وانت أدرابي
  نفسي تمناك  وأنت أغلى  حبايبها
  أغلى من عيوني الثنتين وأصحابي
  وأغلى من الناس حاضرها وغايبها.
• لك كل الكلام ولك كل الشعور
  إنت أجمل شي نفسي تحبه.
• فعلي ب نفسي معذبني قبل فعله
  أسوي أشياء .. مدري ليه أسويها
  مادام ما أبيه يرجع لي ولا أرجع له
  رسايله ليه ل الحين أحتفظ فيها.
• ليتك معي محتاج لك كل ساعه
  حتى وانا مابين نفسي وبيني
  من الوله ماعاد فيني أستطاعه
  أتخيلك في كل لحظه ب عيني.
• سوالفه حلوة ومليانة إحساس
  ومن كثر ماني منسجم ضاع حسي
  يقول صدقني معك ناسي الناس
  وأنا معه نسيت نفسي بنفسي.

قصيدة مضحكة عن النفس

اتعبني القولون وازريت ف علاجه

ونصايح الدكتور عيت تناسبني

يقول لاتزعل ولايشحنك حاجه

وخلك اناني واستمع لي وجربني

قلت صاحبي إن غير الوقت منهاجه

يغثني من شين طبعه ويتعبني

الوقت لاعقد على الطيب حجاجه

ولا قدرت اعاونه يوم يطلبني

هذا تعب نفسي ولك راي محتاجه

ونصايحك صعبه وعيت تناسبني.