في هذا المصدر المليء بأجمل قصائد كتبت حتى اليوم عن الخوي الكفو والشهم بتشكيلات متعددة كالحب والشوق وكذلك قصيده عن الخوي مدح أو قوية وقصيرة وأخرى حزينة مع عتاب قوي للخوي الخائن، ولتوضيح جميع العناوين لما يحمله هذا المقال ستتعرف عليه خطوة خطوة حتى تحصل على اجمل قصيدة للخوي الكفو، حيث تبقى علاقة الصداقة واحدة من أقوى العلاقات التي يمكن أن تشكلها الحياة، الخوي الوفي ما يخلي خويه أو الصديق الحقيقي، هو من يظل بجانبك في السراء والضراء، يقف معك في مواجهة العواصف ويشاركك أجمل اللحظات.
قصيده عن الخوي
من أفضل ما يقال لخويك بشكل لا تتوقعه أبداً، ابعث قصيده عن الخوي الكفو والشهم والصديق الوفي من هذه القصائد الجديدة كلياً.
ملاحظة: ستشاهد بالأسفل مختلف الأنواع الأخرى.
- رفيقي عساها ما تخيب الهقاوي فيك
دخيلك تراك اللي بقالي من النقوه
تبيني الرفيق الي يعادي من يعاديك
وابيك الخوي المخلص اللي ورا الهقوه. - حنا على الخوي نبيع العمر كاش
ولي يخاوينا ما هو ناقصه شي
عين له لحاف وعين له فراش
نطوي لجل عينه ظروف الزمن طي. - نعرف الخوي الصامل الفارق المطنوخ
ليا كبرت حمول الزمن قال خلوها عليّ. - حي الخوي اللي على البال طاريه
ومهما ابتعد او اقترب ما نسيته
الصاحب اللي افتخر يوم أخاويه
ما نسى معه وقتٍ بعمري أعيشه. - يا مرحبا باللي له ظلٍ في الشدايد ضليل
انت الرفيق الخوي اللي لا قالوا خوي. - أنت الغرام اللي تمكن بقلبي
وأنت الحبيب اللي لقلبي دعيته
يا أجمل غرام جابه الله قربي
وأحلى شعور مرني والتقيته
قلبك يكفيني مدامه شعر بي
ياللي بقلبي صار معروف بيته. - نعمه خلقها الله على هيئة انسان
الخوي الكفو عسى الله يديمه
ذخرا لنا دايم وللطيب عنوان
عـز الخوي سم العقول السقيمة. - الخوي الي على يمناك سيد
قط ما تلقي مثيله في العباد
محزم مليان صمصام عنيد
لا هقيته جاك عل الهقوه وزاد. - نوفي مع الخوي ولا يلحقة باس
وفي حزة الضيق يلقا وفانا
الوافي اللي خوته ترفع الراس
يبشر بنا في ذمتي لا بغانا. - دام الخطأ بيني وبينك، فلا باس
لا تشيل هم العذر، وما بيننا باقي
حق الخوي مرفوع على هامة الراس
تراك في وجه الغلا وحشمة اشواقي. - تفاهة الدنيا بعيني من بعد جرحيّ الأخير
تفاهة أحلام الفقارى فِي عيون الأثرياء
جرح الخويّ غير الجروح وجرح منّ حبيت غير
ومن كِثر ما جانيّ من الاثنين فِي الوقت الأخير. - الخوي الكفو ما هوب داري عن غلاه
والغلا حبله قوي والردى حبله رخو
يمكن إنه يعتبرني من أعز اخوياه
بس انا والله اعده في حياتي إخو. - يستاهل المدح كسّابه
رجلٍ على الطايله راهي
درع الخوي عزّة اللابه
افخر بشرواه واباهي
يا ويل من جا وصلّا به
يبطي ولا مره الساهي
حرٍ على الجول مخلابه
يدمي به الآمر الناهي
فنجال الاخصام مطلابه
يومٍ غيره على الشاهي - عز الخوي اللي ما تغير مباديه
لو جارت الدنيا على العز مبداه.
قصيده حب في الخوي
إذا كنت تحب صديقاً يعتبر كأخيكِ تماماً، فهذا الحب مترجم في هذه قصيده عن الخوي المتعدد التي يمكنكِ إرسالها بسهولة للخوي الغالي على القلب.
- جواهر عيونك على خدك تمون
مثل الخوي و ميانته على أخوياه
موعد لقى ممكن مع الوقت بيكون
في ذمتي لا أموت و أنا في رجاه. - السما والليل ونجومً تلالا
والصحاري والبيد والأرض النديه
تشهد أن الحب في قلبي تعالى
لين صار أطول من جبال عليه
ايه يا عمري والسحر الحلالا
ايه يا رجوى الخوي في خويه
غيرك أنت بدنيتي لا لا
لو يحط القمر في كفي هديه. - الزبدة انك أغلىّ مخلوق واطيب شريك
وجمعت طبع الحبيب ومغريات الخوي. - كتبت انا في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعه والضوايق. - طاريك عندي كنه العطر لا فاح
لك موقع بالقلب محدن يدله
انت العزيز اللي له النفس ترتاح
وانت الخوي للطيب والطيب كله. - انت الخوي والرفاقة والحبيب
وانت الوطن والجماعة والاهل. - لك فالغلا قمة ولك فالحشى بيت
ماسكنه غيرك ولو كان غالي
انت الوحيد اللي بحبه تماديت
وغيرك وسط القلب ماله مجالي. - كلمه فديتك اذا جت من غالي
حتى كنوز الكون ماتشتريها
وكلمه احبك من شموخك العالي
تبيع كلمه فديتك لجل تشريها. - تدري وش أسمك وتدري وش سميتك
اسمك عيوني وسميتك نظر عيني
وتدري وسط الحشا شلون ضميتك
ضم الجباير لكسر بين ضلعيني
تدري مكانك وتدري وين حطيتك
حطيتك بالمكان اللي تضخه شراييني. - أنا ما جيت أبعدل منعوج جيت أعوج المعدول
وأشب النار بأطراف القصايد وأشهر سيوفي
لو إني نويت احب غيرك ياعذب الصوت
لقيت الحبايب لو تلفتت بالجمله
لكني صملت أصون حبك إلين اموت
وانا ما لعب بي يا حبيبي سوى الصمله. - سبحان رب صوره كيف خلاه
بزين فايق ماله أول وتالي
يذا الجمال الطاغي الرب سواه
مالك شبيه وأنت ساس الجمالي
ادخل فقلبي مالحد غيرك دواه
وغيرك بوسط القلب ماله مجالي
لا من حكى لي يضحك الصدر وغناه
ولا من تبسم مثل بدر الكمالي
سبحان من كمله وابدع وحلاه
كمله ربي بالجمال المثالي.
مقالات مشابهة:
قصيدة مدح الخوي الكفو
شعر مدح الخوي
قصيدة في الخوي السنافي
شعر للخوي الكفو
شعر شوق للخوي
إذا أبعدتكم المسافات عن بعضكم البعض سيكون من اللائق أن تهديه قصيده عن الخوي شوق لوجوده معك وتبوح له بأعز ما تحمله في قلبك من محبة ووفاء.
- والله انك اغلا مخلوق واطيب شريك
وجمعت طبع الخوي ومغريات الحبيب
يا جعلني ما اخسرك ولا اعتاض فيك
ولا اخلا من غلاك وشوقك الفوضوي. - هذي قوانين الصدف والأماكن
وهذي مقادير الزمان وظروفه
تشوف ناس كثار صدفه ولكن
اللي تتمنى شوفته ما تشوفه. - اخوى على شوفتك مثل الخوى للقناد
وانا على دلتك خاوي وميت ضما
تعال خل التغلي والعتب والعناد
الشوق من فوق حده يا حبيبي زما
شفقٍ على همسةٍ كنها نسيم البراد
صوتٍ عسى تبطي الأيام به ما هما. - الخوي خوي لو طالت غيبته
ترا الأيام ما تنسى طيب راعيها
نوفي مع الخوي ولا يلحقه باس
وفي حزة الما جوب يلقى وفانا
الوافي اللي خوته ترفع الرأس
يبشر بنا في ذمتي لا بغانا. - الشوق يكبر وقدرك بالغلا يكبر
شف ودك اللي خذاني وين وداني
من كثر ما اشتاق لك وأغليك وأتصبر
قام يتلعثم حنين القلب بلساني
أخاف أبين مدى حبك و تتكبر
وأخاف أبين صبر قلبي وتنساني. - اشتقت لعيونك وزايد بي الشوق
نظراتك اللي تشلع القلب والروح
فارق بزين الوصف عن كل مخلوق
شعر الغزل لجلك نجيبه مع البوح. - ليت الهواء انفاسك وأتنفسه دووم
يا اللي غلاك فالقلب جالس وساكن
ليتك نسيم الليل يا ورد مشموم
يفوح عطرك في جميع الأماكن. - الشوق والجرح والدمعات والفرقا
سلايل فوق عنق الحب مسنونه
والشعر والليل والونات والورقا
غنايم اللي سهر ما شاف مظنونه.
قصيده مدح الخوي
إذا صادفت رجلاً شهماً كريماً او كنت تملك علاقة معه كصديق، فيمكنك أن تهديه إحدى قصيده عن الخوي لمدحه ومدح صفاته وكرمه ورجولته.
- يا شبل لابه من زمان الصحابة
خويي الشهم هل الطيب والفود
يا نمر اللي نفتخر في جنابه
نعم الخوي في بيض الأيام والسود. - اخاوي اللي ما تغيّر مباديه
وأسرارنا بالعمٌر، في بير وغطاها
ترا الخويّ الصدق من طاب طاريه
له وقفتن جعــل الخــلايق فــداها. - أنا عضيدي على الدنيا ونعم العضيد
هو الخوي يوم كلن قال عندي خوي.
نحل حبل الرشا لا صار متلوي
نروي الخوي شربة من حلو صافي. - انت الرفيق الي يمناك يمناي
وانت الخوي اليا ضاقت علي الوسيعة
أنشهد ان خوتك ما خبيت لي ظناي
واني ما خترت الا الناس الفهيمة. - خاو الخوي اللي عن الناس يغنيك
خوة وفاء ما هي بخوه وناسة
اللي على عسر المواقف يصافيك
لا شافك تضيق ما يصد عنك براسه. - يوم ان كل من خويه تبرا
حطيتك لي خوي مباري
نعم الرفيق الى سطا ثم جرا
يودع مناعير النشاما حباري. - لو خوة الرجال تسوى ملايين
خوتك في عيني بمليون رجال
انت الخوي اللي على الطيب فعلك
وانت الصديق الكفو اللي تساوي قبائل. - الخوي لا غاب من يشغل مكانه
من يسد بغيبته لا صار غايب
خاصه لا صار لك مصدر رحابه
لا نخيته حل صعبات النشايب
يكتم اسرارك وحافظ للأمانة
نحسب حسابه وهو أصل الحسايب
بالوفا معروف نادر في زمانه
شوفته تغنيك عن كل القرايب.
مقالات أخرى:
شعر مدح ابن العم
شعر مدح صديق
كلمات تهديها لشخص تحبه
شعر عتاب الخوي
أحياناً يكون العتاب من أهم ما يعيد علاقة الأخوة إلى العلاقة، لهذا ننصحك بمعاتبة خويك بأجمل قصيده عن الخوي للعتاب لا سيما إذا كنت حزيناً منه.
- الكلام في ظهـر الخوي عيب
والمدايح بالوجه ما هي وفـا
وإذا تبي تزيد الطيب طيب
تكلم فالوجه وامدح بالقفا. - اليوم لا عاد تستغرب ولا حاجه
لو بار فيك الخوي الصادق الخيّر
كم واحدٍ غيّرت الأيام منهاجه
وانا احسب إن الكفو ما هو بمتغيّر. - اقولها من دون زيف ٍ ولا ريب
واللّي بجوف الصدر فَمّي لَفَظْها
ما نِلْحِق الوافين شكّ وعذاريب
حِنّا مِنْ الّلي للجمايل حَفَظَها
ولا ندوّر في الخوي زلّه وعيب
وْكلّ الخساير عند ربي عَوضْها. - ما عاد يوجعني إهمال الاحباب
وما عاد يصدمني الخويّ لا تردا
الناس من علق الأمل فيها خاب
والدهر ما جابه معا الوقت ودا.
الخوي اللي بوقت الضيق خلاني
لا يجي بوقت الرخا ويدور الخوّه
عرفت في شدتي ربعي وعدواني
ورفعت قدري عن اللي ما به مروّه. - المصايب ما تجيك الا من الناس القرايب
حتى الخوي اللي تثق فيه بالله احذره. - عز الخوي اللي معك كنه اخوك
كل ما ضاقت جلا همك وراك
ما يفرقنا لا كلام ولا شكوك
وراعي الوجهين يبحث عن خفاك
والله ان تبقى الخوه وانا اخوك
دامني حي ترا روحي تفداك. - قلوبنا من طيبها تحفظ الطيب
واللي يجينا من ردى الناس ننساه
حنا بشر نخطي مع الوقت ونصيب
وان بان في ثوب الخوي شق رقعناه. - من يقول الوقت ما يضيق
من صدق هالكلام يا أهل الشمال
والله إنا نطيش ونستضيق
لا تردى الخوي وبن الرجال. - الله يديم الخوي اللي ما تغيره الأيام
يوم أن الليالي غيرت بعض خلق الله. - علاقة ما هيب لله في الله
شعلة قشاش تاليتها رمادي
تبرق ولاكن موتها لا تباطاه
فيها الخوي يصبح عدو معادي
خالفت قول اللي يقولون بالله
ان ما فرضت الحق خلك حيادي
لا صار في الأبيض والأسود مغاواه
عيب وقوفك فالمكان الرمادي
الصمت حكمة دام جبر ومداراه
وعيب اذا زاد الخطأ والتمادي
لا صارت الدعوة نفاق ومحاباة
واختلت اركان القيم والمبادي
يا شينها على الرياجيل شيناه
ولا على اشباه الرياجيل عادي.
قصيده مدح خويي
يعتبر مدح الخوي الكفو من أهم الأمور التي تقوي علاقتك به وتجعلها أكثر قيمة ومحبة، ولإهداء قصيده عن الخوي المُثلى لخويي فيما يلي أهمها.
- الكفو كفو وخوته ترفع الراس
ومثلك فخر إني اناديه ي الخوي
طبع المراجل فيك ما تقرب العيب
لا هان من رباك شيخن على ساس. - الخوي الكفو ما هو داري عن غلاه
والغلا حبله قوي والعتب حبله رخو
يمكن انه يعتبرني من اعز اخوياه
بس انا والله اللي اعده مثل الأخو. - خاوي كريم في زمانك يصافيك
لا شاف زلاتك عن الناس غطاك
ترى الخوي الكفو اللي يحبك ويغليك
تلقاه هو عونك في الشدة ويمناك. - جاني خبر مع دخلت الوسم توه
طشت مطر تروي ع القلب الأفراح
هب البراد وزان بالجو نوه
وجتنا تباشير الفرح والسعد لاح
عز الخوي الكفو ونعم الأخوة
يا عل ربي يجعل أيامه افراح. - مع الخوي الكفو على كل حوّاف
في يد شجاعٍ ما تهبى ضُويه. - ما ينال العز إلا من له خوي مثلك
يرفع الراس عالي ويعلي الهامه
كل العشيرة بالعز تشهد لك
أنت عزك فوق عالي مقامه
جيتك ولي حاجة وفي خاطري شي
يوم الخوي لا احتاج ينصى خويّه
دون الخوي الكفو ما قفلً بابه
من خلقته ما مشى بالعيب
حرصً على الطيب وأسبابه. - أمدح الكفو ما هي بكلمة وحرفين
نظيف القلب وخوته ترفع الرأس
عز الخوي وقت الشدايد والفعول
يطيب لي مدح الكفو عند الرجال
مثلك وشرواك راع الطيب والوفاء. - يدوم الخوي الكفو اللي على طيب مبداه
لو ان الزمن يبحث خفا كل طيّب. - كتبت في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الكفو اللي منزله داخل العين
هو الخوي وقت السعه والضوايق.
قصيدة مدح نفسي والخوي
إذا كنت تحب ان تتفاخر وتمدح نفسك بأنك من أهم الكرم والوفاء وأنك الخوي الكفو فبمقدورك أن تأخذ قصيده عن الخوي لنفسي ووضعها في حالات او بوست.
- الصداقة والمعزة وقرب الطيبين
والوفاء والجيرة وفوقها الخوي
والكرم والطيب والجود وبر الوالدين
مكسبي ما دام قلبي علي الدنيا قوي. - حنا معضد الخوي وحنا مدلهه الرفيق
ومرخصة سعر المنايا لا تغلوا سوقها
نوردها على الموت و نموت
دون الخوي ولا الرفيق السنافي. - أفاخر واماري وأتباهى وقلبي حار
واشوف الجبل مركاي والأرض زولية
بطولات وأمجاد ونواميس ب استمرار
خلقنا كبارية ونبقى كبارية
ترانا سبيع مدلهين الخوي والجار
ترانا هل العفو وهل السمعة الحية. - حنا هل الرده وحنا هل الكار
وبالمعجزات مطير كل ذكرها
عز الخوي والضيف والثالث الجار
اهل الشيم تلقى الشحم في سفرها. - قالو تشرب ضيقه خويك
قلت صبها لعنبو دنيا تذله
الخوي خوي ولو طالت غيبته
ترا الأيام ما تنسى طيب راعيھا.
شعر حزين عن الخوي
كما أن الحزن يسود في بعض العلاقات الأخوية القوية ولابد من الطرف الحزين أن يُظهر خيبته او حزنه للطرف الآخر، ويمكنك ذلك من هذه الأبيات التالية.
- عليك باللي خوته ترفع الراس
وأبعد عن اللي خوته لك عليها
وإن خاب ظنك في رفيق تعزه
أكتب على صدر الزمن يا خساره. - قرب المكشات وين الخوي
اللي وسيع صدره وشمالي
اشتقت لصوت الذيب يعوي
اشتقت للبر وريحة دلالي. - والثلاث اللي تقطعك الخريمة
الخوي القرم والماء والسلاحي. - صدورنا عن بعض الأشياء وسيعة
وعن شوف زلات الخوي نبعد الشوح
وقبل نجازي كل شخص بصنيعه
نلقى له الأعذار ونقول مسموح. - اليوم لا عاد تستغرب ولا حاجه
لو بار فيك الخوي الصادق الخير
كم واحد غيرت الأيام منهاجه
وانا احسب إن الكفو ما يتغير. - أحيان ودي بك ولا ودي اشغلك
احترت مابين الجرأة والإحراج
أخاف ابعد وتحسبني اتجاهلك
واخاف اقرب وصير مصدر ازعجاج. - أحذر من اللي لا زعل ينكر الطيب،
جنب مخاواته وجنب حياته
أنا أخذت من الزمن و التجاريب
إنا الخوي لا خان توجع عصاته
وش لك بخوه كل أبوها عذاريب
لا تأمنه لو شفت ضحكت شفاته
البعد ما هو عيب تدري وش العيب
إنك مع العيب تسوي سواته. - انا الخوي الوافي وارقى به سنود
ولا الردي ينبح ومحد درى به. - ليا صار وجه الليل كنه جناح غراب
وطاب السمر للعالم الاكترونيه
خذيت الخوي الي مراكا على الدولاب
وسريت وتنحرت الفجوج الخلاويه. - دون حق الخوي حنا نحامي
نرد الموت له ورد الحيامي
الخوي اللي هقيت انه حزامي
شافها مالت عليه وعتذرني
والله وبالله وعليه بالحرامي
لقبر اللي ساعة الشده قبرني. - الواجب اللي عليك من الخوي تمه
شرهات الاجواد ما تخطي معارفها. - ما عاد توجعني خيانات الأحباب
وما عاد يصدمني الخوي لا تردى.
إذا كان الكلام لا يكفي لوصف هذه العلاقة الفريدة، فقد اختير الشعر كوسيلة للتعبير عن مشاعرهم تجاه الصديق الخوي.